الفرق بيت البنت الناعمه والبنت العربجيه

هآآآآآآآآآآآآآآآآي..

اليوم جايبه لكم الفرق بين البنت النعومه والبنت العربجيه يلا اتركم تشوفون الفرق ..

البنت الناعمة:
طبعا هذة البنت وهي نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزي بترجم لكم شو تقول لها الخدامة تقول قومي ماما وقت واجد تأخير والرقيقة اول ما تصحى الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ لازم تحافظ على البشرة خلصت من المراية وتروح عند الاستشوار وبعدين تلبس البنطلون الجنز والبلوزة وتنزل تاكل الفطور اللى يكون عبارة عن دونت وعصير برتقال

البنت العربجيه :
تقوم الساعة 8 الصبح وهــي ما ودها تقوم وتدخل امها عليها بالغرفة وتصرخ عليها قومى كافي نوم ترد الدفشة على امها : زين زين الحين أقوم وتقعد تتأفف ويطلع من ثمها نار<<< حشى لله تنين مو بنت بالاضافة الى انها وهي نايمة كل دقيقة تطيح من على السرير وبعدين يدخل اخوها الصغير ويصرخ بسك يالله نوم ترد عليهـ : اطلع من الغرفة والا أفقع وجهك يلا طس وحش مو بنت المهم اخوها اللى اكبر منها يروح لها الغرفة يرفسها وبعد ذيك الرفسة القويه وتصحى من النوم بعد مشقه


نرجع للبنت الرقيقة :
ما تتغدا الا الساعة 4 ولا 5 ولا ما تتغدى الا على رز ابيض مسلوق وسلطة تحافظ على رشاقتها


اما البنت العربجيه:
تتغدا الساعة 12 بالضبط ولا تتغدا كبسة ولحم او دجاج واذا خلصت تشرب البيبسي مرة وحدة يعني ما فى مجال انها تتنفس


البنت الرقيقة :
طلعتها تكون من بعد صلاة المغرب ما تطلع العصر تحافظ على البشرة من أشعة الشمس

البنت العربجيه:
تطلع الساعة 2 تروح مشي لبيت خوالها لحد ما تنقلب عبده

البنت الرقيقة:
تروح كافيهـ وقبل لا تطلع تمر على الصالون تحط هذاج الميك أب


البنت العربجيه:
تحط كحل يملي العين والروج تقول شاربهـ علبة كاتشب


البنت الرقيقه
اذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها

البنت العربجيه:
ها ها ها ها والحاره الثانية تسمعها


البنت الرقيقة :
اذا تحب تسمع اغاني ما تسمع عربى تسمع ريكي مارتن طبعا لانهـ حلو و ممثلها المفضل توم كروز لوسامتهـ وميل جبسون وجيم كاري لخفة دمهم


اما البنت العربجيه:
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان


البنت الرقيقة :
يوم تناظر التلفزيون تقعد على الكرسي وتحط رجل على رجل وتبتسم لان الابتسامة تضفي بشاشة على الوجه والشغاله معها الجهاز وتقلب لها القنوات..


البنت العربجيه:
تنسدح على الارض وتحط رسها على المخدة وتمد رجلها وتحطها على التلفزيون واذا تبا تغير القناة دقت التلفزيون باصبع رجلها وغيرت القناة


البنت الرقيقه:
اذا تبي تحلم احلام اليقظة طلعت فى حديقة بيتهم وقعدت على الكرسي الهزاز وقام الكرسى يروح ويرجع

البنت العربجيه:
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاس ستة متر متروس شاي

البنت الرقيقه:
فى نهاية هالموضوع تقولكم تشاو او سي يو او بباي


اما العربجيه:
فى نهاية الموضوع تقولكم حياكم الله تامرون على شيء سلام..

اتمنى تعبجبكم .. يلا سي يو